VIDEO-FOTO/ Bullgaria nuk ofron studime Master, por Dekani i Korçës ka një të tillë! 

frederik-cucllari-stop-1

Frederik Çuçllari mban postin e Dekanit në Universitetin “Fan S. Nolin” në qytetin e Korçës, falë një masteri që ai thotë se e ka kryer në një universitet në Bullgari.

Por ndryshe nga sa shprehet dekani, një qytetar që ka trokitur në redaksinë e emisionit investigativ “STOP” pretendon të kundërtën. Sipas Agron Dalipajt, i cili rastin e ka denoncuar edhe në Prokurorinë e Korçës, masteri i paraqitur nga dekani është i parregullt.

Rasti në fjalë u ndoq nga prokurori Elsion Sadiku, i cili në fund e mbylli çështjen, pasi sipas tij, gjithçka rezultonte në rregull.

Stafi i “STOP” iu drejtua dekanit, rektorit dhe prokurorit të çështjes, të cilët dhanë të tre versione të ndryshme.

Të gjendur në këtë situatë, “STOP” vendosi që të kontaktojë Universitetin në Bullgari. Në përgjigjen zyrtare të këtij universiteti, thuhet se nuk ka programe master part time, ndryshe nga sa thotë dekani.

Agron Dalipaj, denoncues : “Kam bërë një denoncim, i cili kaloi në Prokurori”.

Çfarë denoncove në Prokurori ?

Agron Dalipaj: “Midis të tjerave, denoncova dhe për diploma të dyshimta, siç flitej në shtyp, i cili nuk u përgënjeshtrua asnjëherë dhe konkretisht për dekanin e Fakultetit Ekonomik, z. Frederik Çuçllari dhe Prokuroria i vazhdoi hetimet pa masë. I bëra dy herë kërkesa që të më thërrisnin për të dhënë informacion, nuk më thirrën asnjëherë dhe prokurori e mbylli çështjen duke treguar se ai e ka diplomën në rregull. Në vendimin e prokurorit Elsion Sadikut, thuhet që Prokuroria hetoi çështjen dhe pyti disa studentë që kanë mbaruar në Blagoevgrad të Bullgarisë dhe diploma është e rregullt. Sipas tij, zotëria në fjalë ka kryer masterin 3 herë nga 5 muaj, i ka marrë leksionet dhe i ka dhënë provimet në anglisht, por të dhënat e mija janë që ky zotëria s’ka vajtur fare në Bullgari dhe është bërë me diplomë dhe sot është dekan”.

Stafi i “STOP” kontaktoi me vetë dekanin, prokurorin dhe rektorin, të cilët paraqitën deklarata të ndryshme.

Frederik Çuçllari -Dekan i Fakultetit Fan S. Noli: “Kam lëvizur ditët e shtuna dhe të diela sepse kam punuar me plan mësimor personal të posaçëm, në bashkëpunim siç iu thashë edhe më parë, midis Fakultetit të Ekonomisë dhe Universitetit të Korçës”.

Prokuroria pranë Gjykatës së Shkallës së Parë Korçë, vendimi për pushimin e çështjes penale.

Rektori: “Masterin e kanë bërë online, domethënë e ka bërë pa shkëputje nga puna”.

Stafi i “STOP” kontaktoi sërish me dekanin, Frederik Çuçllarin.

“Është një çështje që edhe mua më intereson ta zbardh, pavarësisht se dy organe të shtetit shqiptar janë marrë me zbardhjen, Ministria e Arsimit që e ka detyrim ligjor dhe më tej Prokuroria e Rrethit Gjyqësor Korçë. Ky ka qenë një master i marrë në kuadrin e një bashkëpunimi midis Universitetit Fan S. Noli të Korçës dhe Universitetit Neofit Rilski të Bullgarisë, konkretisht të Fakultetit të Ekonomisë. Masteri nuk ka qenë online, ka qenë një master kur duhet të ishe prezent, por organizimi ka qenë si i sistemit me kohë të pjesshme, domethënë nuk kam patur nevojë që të jem prezent gjithë kohën në universitet, kam shkuar periodikisht.

Ne kemi dokumentacion marrë nga sigurimet shoqërore në Korçë, ku ju figuroni që jeni paguar në Universitetin Fan S. Noli të Korçës. Si është bërë kjo procedurë ndërkohë që ju keni bërë masterin në Bullgari?

Frederik Çuçllari: “Në këtë aspekt mund të ndiqen normalisht të gjitha lëvizje e mia dhe në sistemin doganor. Unë kam lëvizur ditët e shtuna dhe të diela sepse kam punuar me plan mësimor personal të posaçëm në bashkëpunim midis Fakultetit të Ekonomisë dhe Universitetit të Korçës. Lëvizjet e mia kanë ndodhur rrallë herë ditëve të premte, natyrisht dhe të enjteve duke kërkuar dhe duke marrë leje nga instancat përkatëse, pa prishur aspak procesin mësimor.”

Emisioni “STOP” është interesuar pranë Fakultetit, për të mësuar më tepër se çfarë përmban kjo marrëveshje dhe bashkëpunim midis dy universiteteve dhe përgjigjja zyrtare, pikërisht nga universiteti vjen e firmosur edhe nga rektori i këtij universiteti, Ali Jashari, ku thotë se nuk ka asnjë marrëveshje të tillë, duke hedhur poshtë kështu pretendimin e Çuçllarit.

Por a ka Universiteti i Bullgarisë “Neofit Rilski” një program për kryerjen e masterit me kohë të pjesshme?

“STOP” është interesuar pranë fakultetit në Bullgari përmes një emaili, duke e pyetur mbi programet e masterit dhe nëse ka programe masteri part time.

Përgjigjia zyrtare që vjen nga universiteti në Bullgari, pikërisht nga zyra për studentët ndërkombëtarë, është si më poshtë:

“Përshëndetje,

Në përgjigjje të pyetjes tuaj për programin master në ekonomi, ju informoj si më poshtë:

Si një student ndërkombëtar, ju nuk mund të studioni edukimin me kohë të pjesshme, vetëm me kohë të plotë.”/tvklan.al/

marreveshja-1

stop-bullgari

prokuroria-1

agron-dalipaj-1

Kryesore
Të ngjashme

Leave a Response

Një 48-vjeçar shqiptar është arratisur nga burgu i Kasandras në Halkidiki të ...
Alfred Skonja 29 vjeç është njëri prej të plagosurve nga të shtënat ...
Dy persona kanë mbetur të plagosur si pasojë e të shtënave me ...
Frederik Çuçllari mban postin e Dekanit në Universitetin “Fan S. Nolin” në ...
Mes zërit të imamit që thërret për besim, ditët në fshatin Lazarat ...
Gjashtë emigrantë shqiptarë janë arrestuar të martën të brigjet braziliane nga agjentë ...
Një shqiptar në Slloveni është shpallur në kërkim nga policia pasi është ...
36-vjeçari shqiptar Vasil Rama, shoferi i bandës së “Audit të Verdhë”, është ...
Një studio montazhi në Laç është përfshirë nga flakët për shkak të ...
Prokurori i Përgjithshëm Adriatik Llalla ka zhvilluar një takim me drejtuesin e ...
Pas lajmit të publikuar një ditë më parë në mediat online se ...
Gjykata e Tiranës ka dhënë sot masën e sigurisë së “arrestit me ...
Pas Vlorës, një tjetër sasi e madhe kanabisi është asgjësuar në fshatin ...
Një 36-vjeçar është nën hetim pasi dyshohet se ka kryer veprime të ...
Një operacion i Prokurorisë së Krimeve të Rënda dhe policisë së Vlorës ...
Biznesmeni i gazit Ilir Karçini është vënë në pranga sërish nga policia. ...
Gjykata e Lartë ka rrëzuar kërkesën për ndryshim të masës së sigurisë ...
HARTA E FAQES SHERBIME